2019 წლის 13 დეკემბერს პროექტის "განათლება რეინტეგრაციისთვის - გზა საზოგადოებაში დასაბრუნებლად" დახურვის ღონისძიება გაიმართა. პროექტი ხორციელდებოდა 2017 წლიდან და მის მთავარ მიზანს წარმოადგენდა კანონთან კონფლიქტში მყოფი პირების რესოციალიზაცია. ღონისძიების პარალელურად მოეწყო ინდივიდუალური მეწარმეების, სოციალური საწარმოების და პენიტენციურ დაწესებულებებში დამზადებული პროდუქციისა და ნივთების გამოფენა.
ღონისძიებაზე გაიმართა პროექტის ფარგლებში მომზადებული ფოტოალბომისა და დოკუმენტური ფილმის პრეზენტაცია. ღონისძიების მასპინძელი გახლდათ ASB საქართველო.