პროექტის ბენეფიციარები 18-35 წლამდე დევნილი ახალგაზრდები არიან, რომლებიც როგორც აფხაზეთის, ასევე, სამეგრელოს რეგიონში დევნილთა ჩასახლებებში ცხოვრობენ; ფინანსური მხარდამჭერი კი- გერმანიის საგარეო საქმეთა სამინისტროა (IWO).
„ჩემი სახლის მმართველი - საუკეთესო გამოცდილების გაზიარება“ პასუხობს რეგიონში არსებულ გამოწვევებს პროფესიული განათლების კუთხით და შესაბამისად აქტიურად მუშაობს მშვიდობის მშენებლობის მიმართულებით.
ღონისძიების ფარგლებში მიმდინარე პროგრამები:
- დასრულდა მობილიზაციის პროცესი სამეგრელოს რეგიონში; ჩატარდა საინფორმაციო შეხვედრები დევნილთა ჩასახლებებსა და ახალგაზრდულ ცენტრებში.
- ბენეფიციართა ერთი ნაწილი უკვე ჩაერთო სასწავლო პროცესში, სამშენებლო კოლეჯში „კონსტრუქტ2“, შედუღების მიმართულებით.
- მეორე ნაკადი, ელექტროობის მიმართულებით, მიემგზავრება ქობულეთში, კოლეჯ ახალ ტალღაში.
აფხაზეთისა და სამეგრელოს რეგიონში მცხოვრები ახალგაზრდები პროექტის მიმდინარეობის პროცესში (5 თვე) სრულიად უსასყიდლოდ, მიიღებენ როგორც პროფესიულ განათლებას, ასევე აღიჭურვებიან სამუშაო იარაღებით.
