2021 წლის 30 დეკემბერს, პროექტის “ენერგოეფექტური მიდგომების მხარდაჭერა  სოციალური სერვისების მიმწოდებელ დაწესებულებებში“ ფარგლებში,  გაიმართა შეხვედრა ზუგდიდის მუნიციპალიტეტის მერიის  ეკონომიკური პოლიტიკისა და მუნიციპალური სერვისების სამსახურის უფროსთან, ირაკლი ჭკადუასთან, სამსახურის მთავარ სპეციალისტთან,  შორენა ჩერქეზიასა და ზუგდიდის მუნიციპალიტეტის საკრებულოს წევრთან, სანდრო სორდიასთან.
 
ვიზიტის ფარგლებში პროექტის კოორდინატორმა და თემის რეგიონალურმა მობილიზატორმა მუნიციპალიტეტის მერიის და საკრებულოს წარმომადგენლებს გააცნეს პროექტის ფარგლებში რეგიონში განხორციელებული და დაგეგმილი საქმიანობები და განიხილეს თანამშრომლობის შესაძლებლობები. პროექტის მიზნებიდან გამომდინარე, აღნიშნულ იქნა ენერგოეფექტურობის მიღწევისა და ენერგიის განახლებადი წყაროებიდან მიღების ხელმისაწვდომობის ხელშეწყობის აქტუალურობა.
 
შეხვედრაზე განსაკუთრებული ყურადღება დაეთმო მუნიციპალურ ბიმათმესაკუთრეთა ამხანაგობის განვითარების ხელშეწყობის პროგრამას, თანადაფინანსების არსებულ შესაძლებლობებს და მათში მონაწილეობის პირობებს.
 
პროექტი “ენერგოეფექტური მიდგომების მხარდაჭერა  სოციალური სერვისების მიმწოდებელ დაწესებულებებში“  საქართველოს სამ რეგიონში მიმდინარეობს.
 
პროექტი ხორციელდება გლობალური გარემოსდაცვითი ფონდის მცირე გრანტების პროგრამის (GEF SGP) ფინანსური მხარდაჭერით, რომელსაც საქართველოში ახორციელებს გაეროს განვითარების პროგრამა (UNDP).