მნიშვნელოვანია, რომ ნებისმიერმა ქალმა იცოდეს საკუთარი უფლებების შესახებ.
მოცემული მიმართულებით CHCA-მ ჩაატარა კვლევა „გენდერული თანასწორობა აფხაზეთსა და სამეგრელოში“, რომლის ერთ-ერთ მიზანს წარმოადგენდა აფხაზეთსა და სამეგრელოში, გენდერული თანასწორობის მიმართ არსებული ზოგადი აღქმების, განწყობების, დამოკიდებულებებისა და ცოდნების შესწავლა.
კვლევაში მოცემულია, პირისპირი ინტერვიუების შედეგად, 100 გამოკითხული რესპონდენტის მონაცემები, აფხაზეთსა და სამეგრელოში.
- სოფელში მცხოვრებთა 84%-ის აზრით, ძალადობა კაცის მხრიდან ყოველთვის წაქეზებულია ქალის მიერ;
- ათი რესპონდენტიდან შვიდი, მკვეთრად ან მეტ-ნაკლებად ნეგატიურად აფასებს, ქალებს, რომლებიც საჯაროდ განაცხადებენ ძალადობის შესახებ;
- რესპონდენტთა მესამედი თვლის, რომ მამაკაცი, რომელიც არ არის საკმარისად მკაცრი, არ იმსახურებს პატივისცემას;
- გამოკითხულთა 62%-ისთვის მისაღებია მოთმინება, ოჯახის შესანარჩუნებლად;
- გამოკითხულთა 64% თვლის, რომ ცოლებმა ნებართვა უნდა აიღონ ქმრებისგან, სახლიდან გასასვლელად;
- 79% -ის აზრით, კაცები უკეთესი პოლიტიკური ლიდერები არიან, ვიდრე ქალები;
- გამოკითხული კაცების 73% საჭმლის მომზადებას, დაუთოებასა და დასუფთავებას ქალის ბუნებრივ მოვალეობად მიიჩნევს.
