ირაკლი ქოჩუა, პროექტების კოორდინატორი სამეგრელოში: „რუხში სარემონტო სამუშაოები უკვე ოთხი თვეა უწყვეტ რეჟიმში მიმდინარეობს. ნოემბერში ჩვენ მოვაწყვეთ მონოლითური რკინა-ბეტონის სეპტიკი, საკანალიზაციო ჭები, გავმართეთ გარე და შიდა საკანალიზაციო ქსელი, გარდა ამისა, დავამონტაჟეთ გათბობის სისტემა და დავასრულეთ სველი წერტილების კედლებისა და იატაკის მოპირკეთება. მომდევნო ეტაპზე  დაგეგმილი გვაქვს შიდა კედლებისა და ჭერის დამუშავება და შეღებვა, ფასადის კედლების შეღებვა და კარ-ფანჯრების დამონდაჟება“.
 

საქველმოქმედო ჰუმანიტარული ცენტრი ,,აფხაზეთი“ რუხში მოხუცთა და ბავშვთა ზრუნვის ცენტრ ,,ჩემი მორდუს“ აშენებს. ცენტრი ხანდაზმულებს მულტიპროფილურ სერვისს შესთავაზებს, როგორიცაა დღის ცენტრის მომსახურება, შინმოვლის სერვისი და 24-საათიანი მომსახურება-თავშესაფარი. გარდა ამისა, სახლში მოემსახურებიან ბავშვებს მოწყვლადი ოჯახებიდან.