ალუ გამახარია არის ასოციაცია „მშვიდობიანი და საქმიანი კავკასია“-ს (ამსკ) დამფუძნებელი და გამგეობის თავმჯდომარე. იგი 2007 წლიდან ხელმძღვანელობს შპს „ორგტექნიკა-სოხუმს“ და აქვს მრავალწლიანი მმართველობითი და სამრეწველო გამოცდილება. 2014-2021 წლებში იყო სსიპ „ბიზნესინკუბატორის“ ხელმძღვანელი, ასევე ხელმძღვანელობდა ბიზნესისა და განვითარების კავკასიური ქსელის ქუთაისის ოფისს. ალუ გამახარია აქტიურად არის ჩართული საზოგადოებრივ საქმიანობასა და სახალხო დიპლომატიაში, მონაწილეობს ქართულ-აფხაზურ და ქართულ-ოსურ დიალოგებში, არის სახელმძღვანელოს „როგორ ავაწყოთ და ვმართოთ საკუთარი ბიზნესი“ ავტორი და ტრენერი მეწარმეობის, კონფლიქტოლოგიისა და მშვიდობის მშენებლობის საკითხებში. მინიჭებული აქვს „მშვიდობის ელჩის“ საპატიო წოდება. იგი ფლობს მოსკოვის საინჟინრო-ეკონომიკური სახელმწიფო ინსტიტუტის მანქანათმშენებლობის ფაკულტეტის დიპლომს, ინჟინერ-ეკონომისტის კვალიფიკაციით.