CHCA ზუგდიდის მუნიციპალიტეტში 25 ადამიანისათვის შინმოვლის სერვისის მიწოდებას აგრძელებს.

შინმოვლის მომსახურებით უზრუნველყოფის ქვეპროგრამაში ჩართულ ბენეფიციარებს ემსახურება მულტიდისციპლინური გუნდი:
-კოორდინატორი
-ექიმი
-ექთანი
-სოციალური მუშაკი
-მომვლელი
-ტექნიკური ასისტენტი 

მათ მიერ ხდება მოსარგებლეების სამედიცინო, სოციალური და საყოფაცხოვრებო საჭიროებების დეტალური შეფასება, ინდივიდუალური გეგმის შედგენა და შინმოვლის მომსახურების მიწოდება შინმოვლის სტანდარტის, პროგრამის და მოსარგებლის ინდივიდუალური გეგმის შესაბამისად.

პროცესში ხდება:
- მოსარგებლის ფიზიკური და მენტალური მდგომარეობის შეფასება, 
- სასიცოცხლო პარამეტრების მონიტორინგი, 
- მედიკამენტების მიწოდება,
- სოციალურ მხარდაჭერა, 
- ძირეული მოვლა,
- ყოველდღიურ საქმიანობებში მხარდაჭერა. 

შინმოვლის პროგრამის მიზანია მოვლის საჭიროების მქონე პირთა ცხოვრების ხარისხის გაუმჯობესება, კერძოდ, მოსარგებლეთა დამოუკიდებლობის მაქსიმალურად ხელშეწყობა ყოველდღიურ ქმედებებში მათთვის ჩვეულ საცხოვრებელ პირობებში, პირადი ცხოვრების ხელშეუხებლობითა და ეთიკური ნორმების დაცვით.