რუხის დღის ცენტრის ბავშვებმა საახალწლო ზეიმი მოაწყვეს. პატარებმა სცენაზე წარადგინეს სიმღერები, ლექსები, ცეკვები და პატარა წარმოდგენები, რომლებმაც დამსწრეების დიდი მოწონება დაიმსახურა. 
ღონისძიებაში მშობლები აქტიურად იყვნენ ჩართული, რაც დღესასწაულს კიდევ უფრო თბილსა და ოჯახურს ხდიდა. 
ერთ-ერთი მშობელი თოვლის ბაბუას ფორმაში გამოწყობილი ესტუმრა ბავშვებს, საჩუქრები და ტკბილეულები დაურიგა და დაუვიწყარი ემოციები აჩუქა. ასევე გვყავდა მეორე, არანაკლებ აქტიური თოვლის ბაბუა, რომელმაც ბავშვები აცეკვა და საჩუქრებით გაახარა. 
ბავშვების ბედნიერებით მოციმციმე თვალები ამ დღის ყველაზე დასამახსოვრებელი ნაწილი იყო. 
ღონისძიების დასასრულს დღის ცენტრის თანამშრომლები ბავშვებსა და მშობლებს ტკბილეულით გაუმასპინძლდნენ. 
საერთო ჯამში, კარგი, თბილი და საინტერესო ღონისძიება გამოვიდა, რომელმაც ყველას დადებითი განწყობა დაგვიტოვა