შეზღუდული შესაძლებლობების მქონე პირებისთვის  ყოველდღიური ჰიგიენური პროცედურები ხშირად სერიოზულ გამოწვევად იქცევა. 

თვითმოვლა ან ხშირად გადაადგილებაც კი, რისკებთან არის დაკავშირებული და ქმნის როგორც ფიზიკურ, ისე ემოციურ სტრესს ბენეფიციარებისა და მათი ოჯახებისთვის.

საქართველოს დევნილთა, შრომის, ჯანმრთელობისა და სოციალური დაცვის სამინისტროს მხარდაჭერით, CHCA-ს გადმოეცა აბაზანის სპეციალური სკამები , რომლებიც გადავეცით სპეციალური საჭიროებების მქონე შინმოვლის 10 ბენეფიციარს. ეს სკამები უზრუნველყოფს მათ  უსაფრთხოებას, დამოუკიდებლობას და კომფორტს.

შედეგად: 

• შემცირდება ტრამვების რისკი; 
• გაუმჯობესდება ბენეფიციართა თვითმოვლის  უნარები; 
• შემცირდება ოჯახის წევრთა დატვირთვა; 
• ამაღლდება ცხოვრების ხარისხი;
• იზრდება შინმოვლის სერვისის ეფექტიანობა.

CHCA შინმოვლის პროგრამას ახორციელებს საქართველოს დევნილთა, შრომის, ჯანმრთელობისა და სოციალური დაცვის სამინისტროს მხარდაჭერით.