CHCA აქტიურად აგრძელებს მიზნობრივ თანამშრომლობას დასავლეთ საქართველოში მოქმედ სოციალურ და ჰუმანიტარულ ორგანიზაციებთან. საჭიროებების შეფასების ფარგლებში, გამოვლენილი საკითხების საფუძველზე, პარტნიორი ორგანიზაციების წარმომადგენლებს ჩაუტარდათ 3-დღიანი ტრენინგ კურსი: „ფინანსური მართვა პროგრამული მენეჯერებისათვის“.

ტრენინგი ფოკუსირებული იყო პროექტების ფინანსურ პროცესებზე, რომელშიც პროგრამული მენეჯერები უშუალოდ არიან ჩართული პროექტის დაგეგმვისა და განხორციელების დროს.

კურსის განმავლობაში განხილული იქნა პროექტის ფინანსური მართვის სრული ციკლი:

• ფინანსური მართვის ძირითადი პრინციპები და პროცედურები;
• პროექტის ბიუჯეტის დაგეგმვა;
• ბიუჯეტის შესრულება და მონიტორინგი;
• ფინანსური ანგარიშგება;
• გრანტის დახურვის პროცედურები.