ღონისძიებებში ჩართულნი იყვნენ მცირე საოჯახო ტიპის სახლებსა და მინდობით აღზრდაში მყოფი ბავშვები. ორგანიზატორებმა თელავის ნადიკვარის პარკში ბავშვებისათვის სხვადასხვა ღონისძიებები მოაწყვეს - „განძის ძიება“, „რა? სად? როდის?“ და „ასფალტზე ხატვა ცარცით“. მოზარდებმა ყველა აქტივობაში აქტიურად მიიღეს მონაწილეობა, მთელი დღის მანძილზე წვიმა, მზე და ღრუბლები მათი მეგზურები იყვნენ. ცენტრმა „აფხაზეთმა“ ბავშვებს ღონისძიების დასასრულს სიმბოლური საჩუქრები გადასცა და დღე „მწვადაობით“ დაასრულეს „გიგოს გორაზე“.