ნაილი შავშიშვილი სოფელ ხიდისთავის მე-11 კლასის მოსწავლეა. პროექტის ფარგლებში მან სამი სხვადასხვა კლუბის - მათემატიკა, ქიმია, ბიოლოგია - აქტივობებში მიიღო მონაწილეობა. „კლუბში შესაძლებლობა გვქონდა სხვადასხვა პრეპარატებს შევხებოდით, ცდები ჩაგვეტარებინა და მიკროსკოპთან გვემუშავა. როცა ლაბორატორიასთან, ცდებთან, სხვადასხვა პრეპარატებთან გაქვს შეხება, სწავლა გაცილებით მარტივია”, - ამბობს ის. ნაილი შავშიშვილი ერთ-ერთი აქტიური იყო ჯგუფში. ის პედაგოგს ასისტენტობას უწევდა და დაბალი კლასის მოსწავლეებს საკლუბო აქტივობების შესრულებაში ეხმარებოდა. გარდა ამისა, მან ხიდისთავის სკოლაში ღია კარის დღე მოაწყო და პროექტში ჩართულ სხვა საჯარო სკოლის მოსწავლეებს საჩვენებელი ცდები წარუდგინა.