სილვა ჩალაური ოჯახთან ერთად ხურვალეთის დევნილთა დასახლებაში ცხოვრობს. მათი ოჯახი დევნილობამდე ქსუისში ცხოვრობდა. თავად სილვა წინაგარადანაა, ის ეთნიკური ოსია. პროექტში ხურვალეთის დევნილთა დასახლებიდან ხელობის ჯგუფში 15 ქალბატონი იყო ჩართული და პროფესიონალი პედაგოგის დახმარებით სხვადასხვა ნივთებს - ყელსაბამები, სამაჯურები, საყურეები, ბრელოკები, სუფრები, ჩანთები, შარფები - ამზადებდნენ. „ჩვენ აქ დასახლებში ერთფეროვანი ცხოვრება გვაქვს, ხელობის გაკვეთილები კი ჩვენი ყოველდღიურობისაგან განსხვავდებოდა, სხვა სამყაროში ვიყავით. ყველას ძალიან გვიხაროდა ჯგუფში სიარული, ვერთობოდით, ვსაუბრობით, ერთმანეთს გამოცდილებას ვუზიარებდით. გაკვეთილები ისევ რომ დაიწყოს, სიამოვნებით ჩავერთვები“, - ამბობს სილვა ჩალაური.