20-23 ნოემბერს ზუგდიდში, იუსტიციის სახლში, თემაზე „ეფექტური სოციალური და სამუშაოს მოძიების უნარები“ 4 დღიანი ტრენინგი ჩატარდა, რომელსაც 25 ყოფილი მსჯავრდებული და პრობაციონერი დაესწრო. მონაწილეთა ნაწილი შემდგომ ეტაპზე ხელობის გადამზადების ორთვიან კურსებს გაივლის და შესაძლებლობა ექნება საქმიანობის დასაწყებად 400 ევროს მოცულობის გრანტი მიიღოს, ხოლო ნაწილი ბიზნეს ტრენინგებს დაესწრება და წარმატებული ბიზნეს წინადადებების შემუშავების შემდეგ1200 ან 3000 ევროს მოცულობის გრანტს მიიღებს ბიზნესის განსავითარებლად.

ტრენინგები ჩატარდა კამპანიის #გზასაზოგადოებისკენ ფარგლებში, რომელსაც ცენტრი „აფხაზეთი“ არბაიტერ-სამარიტერ-ბუნდისა და საქართველოს სტრატეგიული კვლევებისა და განვითარების ცენტრთან ერთად ევროკავშირის ფინანსური ხელშეწყობით კახეთის, შიდა ქართლის, იმერეთის, სამეგრელო-ზემო სვანეთის რეგიონებში და თბილისში ახორციელებს.