27 თებერვალს გორის მუნიციპალიტეტის გამგეობის სხდომათა დარბაზში მრჩეველთა საბჭოს #19 სხდომა გაიმართა. სხდომაზე საბჭოს წევრებმა გორის მუნიციპალიტეტის მერიის სოციალური სამსახურის 2018 წლის სამოქმედო გეგმა დეტალურად განიხილეს. გარდა ამისა, იმსჯელეს ორგანიზაცია PIN-ის მიერ დაფინანსებული 5 სოციალური პროექტის მერიისათვის გადაბარების პროცედურების შესახებ და სხვა.

მრჩეველთა საბჭოს სხდომას გორის მუნიციპალიტეტის მერი კონსტანტინე თავზარაშვილი ჩეხური არაკომერციული ორგანიზაციის PIN-ის მისიის ხელმძღვანელს ონდრეი ნადვორნიკი და PIN-ის პროგრამების მენეჯერი ნანა ყურაშვილი დაესწრნენ.

პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში” ხორციელდება ჩეხური არაკომერციული ორგანიზაცია PIN-ის მიერ. პროექტის ერთ-ერთი პარტნიორია საქველმოქმედო ჰუმანიტარული ცენტრი „აფხაზეთი”. პროექტი დაფინანსებულია ევროკავშირის მიერ და მისი მიზანია თანამშრომლობის გაღრმავება და გაძლიერება საჯარო და სამოქალაქო სექტორს შორის. მრჩეველთა საბჭოს მორიგი სხდომა მარტში გაიმართება.