ლაშა ახალაიამ ზუგდიდში კვების ახალი ობიექტი მეგობრებთან ერთად 2017 წლის აგვისტოში გახსნა. მან ცენტრი „აფხაზეთის“ პროექტის ფარგლებში 4 000 ლარის მოცულობის უპროცენტო სესხი მიიღო, რომლითაც ავეჯი და სამზარეულოსთვის საჭირო ტექნიკა შეიძინა. კაფე „ელ ბარკო“ მომხმარებელს როგორც ქართულ, ასევე ევროპულ კერძებს სთავაზობს. კვების ობიექტს ხშირად სტუმრობენ ტურისტები, ზუგდიდში მომუშავე საერთაშორისო ორგანიზაციების წარმომადგენლები და ახალგაზრდები. მომსახურების მაღალი ხარისხი, გემრიელი სამზარეულო, დაბალი ფასები, სასიამოვნო გარემო - ეს ის ფაქტორებია, რომლებმაც კაფე „ელ ბარკოს“ წარმატებული ფუნქციონირება განაპირობეს. მოგზაურთა ვებ გვერდზე - TripAdvisor - “ელ ბარკო“ უკვე თვეებია მეორე პოზიციაზე გახლავთ.