CHCA პროექტის "სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოს (IDPELA) შესაძლებლობების გაძლიერება" ფარგლებში ტრენინგთა სერიას აგრძელებს.
მორიგი ტრენინგის თემა გახლდათ „პროფესიული წერა“.
მონაწილეებმა შეისწავლეს დოკუმენტის მართებულად აგება სამიზნე აუდიტორიის გათვალისწინებით. სავარჯიშოების საფუძველზე ყურადღება გაამახვილეს წერილის ტონსა და ლოგიკურ მსჯელობაზე. გარდა აღნიშნულისა, მონაწილეებმა შეასრულეს წერილობითი სავარჯიშოები, რომელიც ემსახურებოდა აზრის მოკლედ და ლაკონიურად ჩამოყალიბებას, ინფორმაციის გაფილტვრას დოკუმენტის მიზნისა და სასურველი შედეგის გათვალისწინებით. სატრენინგო შეხვედრების ბოლოს მონაწილეებმა დაწერეს პოსტ-ტესტი, სადაც გამოიკვეთა თითოეული მონაწილის გაუმჯობესებული ცოდნა.