CHCA ფოთში ახორციელებს პროექტს ,,მდგრადი სარდაფები მწვანე თემებისათვის - იძულებით გადაადგილებულ პირთა საცხოვრებელი კლიმატის ადაპტაცია", რომლის მიზანია ფოთის იგპ-თა დასახლებაში მრავალბინიანი შენობების კლიმატისადმი მდგრადობისა და საცხოვრებლად ვარგისიანობის გაზრდა მდგრადი, ჰიბრიდული ინფრასტრუქტურისა და ბუნებაზე დაფუძნებული გადაწყვეტის მოდელის დანერგვით.
პროექტის ფარგლებში:✔ შეკეთდება და გამაგრდება 3 საცხოვრებელი კორპუსის სარდაფი;
✔ დამონტაჟდება სადრენაჟე სისტემები წყლის სწრაფი გადინებისთვის;
✔ მოეწყობა 3 “წვიმის ბაღი” - ბუნებაზე დაფუძნებული გადაწყვეტა, რომელიც წვიმის წყლის ნაკადს არეგულირებს და დატბორვას აკავებს;
✔ მომზადდება გეგმა, სხვა უბნებშიც ამ მოდელის გასავრცელებლად;
✔ 60 ბინათმესაკუთრეთა ამხანაგობის ლიდერი გაივლის სპეციალურ ტრენინგს წვიმის ბაღების მოვლა-პატრონობაში.
პროექტის სამიზნე რეგიონი: ქ. ფოთის მუნიციპალიტეტი;
დონორი: გაეროს განვითარების პროგრამა (UNDP) და დანიის მთავრობა.
