10 მარტს ბაისუბნის მცირე საოჯახო სახლში (ლაგოდეხი) მოწყობილ სათბურში პირველი ჩითილები ჩაირგო. სათბური 230 მ2 არის გაშენებული და მიღებული შემოსავალი ლაგოდეხის მცირე საოჯახო სახლში მცხოვრები შშმ სტატუსის მქონე ბავშვების რეაბილიტაციასა და რეინტეგრაციას მოხმარდება. სათბური გარდა ოჯახური გარემოს შექმნისა მოზარდებს აძლევს მეტ ცოდნას და ელემენტარულ უნარ-ჩვევებს, რომელიც სამომავლოდ გამოადგებათ. ბაისუბანში სათბურის მოწყობა შესაძლებელი გახდა ქეა ინტერნეიშენალის ENPARD - საქართველო ფინანსური ხელშეწყობით. პროექტს სათბურის კონსტრუქცია გადმოსცა აფხაზეთის ავტონომიური რესპუბლიკის მთავრობამ.
ბაისუბნის მცირე საოჯახო სახლი 2011 წელს გაიხსნა და დღემდე 50-მდე ბავშვსმოემსახურა. ამჟამად, სახლში 10 მოზარდი ცხოვრობს.